సృష్టికి ఆది – మన ఉగాది
నూతనోత్సాహానికి పునాది – మన ఉగాది
నవవసంతానికి దారి – మన ఉగాది
నవజీవనానికి నాంది – మన ఉగాది
కోయిలమ్మల మధురగానాలకు
పక్షుల కిలకిలరావాలకు
తుమ్మెదల ఝుంకారాలకు
చిగుళ్లతో చెట్ల సింగరాలకు
ప్రకృతి శోభాయమానానికి నెలవు – మన ఉగాది
గుమ్మాలకు తోరణాలు
వాకిలిలో రంగవల్లులు
గ్రామదేవతల సంబురాలు
బంధుమిత్రుల కోలాహలమునకు
షడ్రుచుల ఆస్వాదమునకు
భవిత నింపే పంచాంగ శ్రవణమునకు
మమతానురాగాలకు నెలవు – మన ఉగాది
మిలమిల మెరిసే ఉషోదయ కిరణాలతో
ఆహ్లాదకర ప్రకృతి ఒడిలో
తాజా శ్వాసతో
నూతన సంవత్సరానికి స్వాగతం
కృష్ణస్వరూప వసంత ఋతువుకు సుస్వాగతం
లేవండి.. లేవండి..
నవీన భావాలతో..
సరిక్రొత్త ఆశయములతో..
నిత్య నూతన చైతన్యముతో..
మీ భవితను భవ్యముగా
మలుచుకొనుటకు చక్కని అవకాశం..
వేయండి మీ హృదయంలో
దృఢమైన సాత్త్విక బీజాన్ని
ఈ *ఉగాది* పర్వదినాన..
హరిః ఓమ్
తత్సత్
✍️ రాంశ్రీ యోగీశ్వర్